રેખ્તા
હિન્દવી
સૂફીનામા
રાજસ્થાની
ઝૂંટવી એના કરથી સુરા પી ગયો,
ખૂબ પીવાની આવી મઝા પી ગયો.
ઝૂમતાં, ઝૂમતાં એણે આપી સુરા,
ઝૂમતાં, ઝૂમતાં, ઝૂમતાં પી ગયો.
એમાં તારું શું બગડી ગયું ઓ ખુદા!
મારા ખર્ચે જો થોડી સુરા પી ગયો.
એક પણ પાંદડું હાલતું યે નથી,
કોઈ લાગે છે તરસ્યો હવા પી ગયો.
કઈ રીતે જાણ્યું ભાન રહેતું નથી,
સૌથી પહેલાં સુરા શું ખુદા પી ગયો?
એટલે ઝગમગે છે આ જીવન ‘જલન’,
જે મળી ધોઈને હું વ્યથા પી ગયો.
સ્રોત
- પુસ્તક : જલન (પૃષ્ઠ ક્રમાંક 49)
- સર્જક : જલન માતરી
- પ્રકાશક : દુર્રેસહેવાર જ. માતરી
- વર્ષ : 1984