રેખ્તા
હિન્દવી
સૂફીનામા
રાજસ્થાની
પહેરણની જેમ
paherannii jem
પ્રફુલ્લા વોરા
પ્રફુલ્લા વોરા
પહેરણની જેમ રોજ આ સંબંધ પહેરવા,
ને એમ ખીંટી પર ફરી પાછા સમેટવા.
બે-ચાર પીંછાં જેટલો આધાર લઈ અને,
ગેબી ગગનનાં રોજ રહસ્યોને ભેદવા!
બરછટ સમયની ધારથી ચીરા પડ્યા છતાં,
ખુલ્લી હથેળીના હજુ અક્ષર ઉકેલવા.
શતરંજ પર બાકી રહી એકાદ ચાલ ત્યાં-
નાજુક બનેલા દાવ હવે કેમ ખેલવા?
દીવાલ પરથી બસ મને ઉતારી દો હવે,
દર્પણ બનીને કેટલા ચહેરા ઉછેરવા?
સ્રોત
- પુસ્તક : શ્વાસનું પંખી (પૃષ્ઠ ક્રમાંક 27)
- સર્જક : પ્રફુલ્લા વોરા
- પ્રકાશક : પ્રતિભા ઑફસેટ પ્રિન્ટર્સ, ભાવનગર
- વર્ષ : 2016