પડ્યાં ગાબડાં ને કથળતી દીવાલો

પડ્યાં ગાબડાં ને કથળતી દીવાલો

ગુફામાં હવે પાછી વળતી દીવાલો

તરડ બારણાંમાં ઝીણી હોય તો પણ

કદી ત્યાંથી ભાગી નીકળતી દીવાલો

દિવસભર રહે ઊભી લઈ ઘરનો ટેકો

અને ક્યાંય રાતે રઝળતી દીવાલો

ઝીણાં છિદ્રથી આવે ચાંદરણાં ફીકાં

શિશુ જેમ એને ચગળતી દીવાલો

સમયની તીણી સાંગ પથ્થરને ચીરે

ચીસો પાડે લોહી નીંગળતી દીવાલો

હવે ક્યાંક ખુલ્લામાં રહેવાને ચાલો

અહીં ચોતરફ છે ઊકળતી દીવાલો

padyaan gaabdaan ne kathaltii diivaalo