નોટમાં વાળે છે સિક્કામાં ચલાવે છે મને

નોટમાં વાળે છે સિક્કામાં ચલાવે છે મને

યાદ આવું છું તો સસ્તામાં વટાવે છે મને.

લાલ બત્તીમાં મને ઑન કરે સાંજ ઢળે

મોડી રાતે એ વળી પાનમાં ચાવે છે મને.

મારા અવશેષ ફરી કચરામાં વાળે દિવસે

રાતે બારીમાં નવેસરથી સજાવે છે મને.

મારો ઉલ્લેખ થતા એનું હસીને થૂંકવું

નામથી ગાળ સુધી ગળફામાં લાવે છે મને.

કાળા લોહીનું ફરી ઘૂમરાવું પરસેવામાં

સ્પર્શ-પાતાળ કૂવામાં એ તરાવે છે મને.

notman wale chhe sikkaman chalawe chhe mane