રેખ્તા
હિન્દવી
સૂફીનામા
રાજસ્થાની
નવ નિવેદ (એક ઉત્તર ગુજરાતી ગઝલ)
naw niwed (ek uttar gujarati gajhal)
ભાનુપ્રસાદ ત્રિવેદી
ભાનુપ્રસાદ ત્રિવેદી
લ્યૉ, જોઈ લ્યૉ! વળી ઈમનું પધરૉમણું થયું;
ભેંતે લખાતું નૉમ વૈકુંઠ ધૉમનું થયું!
આ ઠૂંશ મારી બેટી! મલકૂડે મની ફશ્યાં!
શું જોણું વસ્તીનેય વગર દૉમનું થયું!
ડપટાવવા આયાં હજડ, તે આવતું - જતું;
ન્હૈ કહે? ક આ મંદેર રાધેશ્યૉમનું થયું?
કૂવચ ઘશીજ્યાં વૅણનીઃ ખબરે પડી નહીં!
પણ ભૈ... પસં જે નાચણું – કૂદૉમણું થયું!-
એ વાત લીલી કચ, ને લક્કડ હેમ થૈ પડ્યાં!
ચેવું રૂડું કાજળ અમારા નૉમનું થયું!
હાથે ચડી જ્યું કાળજું, બશ વેતર્યા કર્યું!
ક્હેજ્યો - તમારા હમ! તમારા કૉમનું થયું?
હંભાયણાનું દૈ ગયાં એવું તો ગૂમડું
કે ઑમથી દાબ્યું, તો દિયોર ઑમનું થયું!
આઁહું ફૂટ્યા, તો લોક ક્હૅ સ: વાવણી થશે!
આ ભૉનુભૈનો બોર થ્યો! રળિયૉમણું થયું!
ધાર્યું તો અશ્કર એક મારા રૉમનું થયું,
ગૉણું જે આપણ બેનું - આખા ગૉમનું થયું !
સ્રોત
- પુસ્તક : ગઝલશતક (પૃષ્ઠ ક્રમાંક 50)
- સંપાદક : હર્ષદ ત્રિવેદી
- પ્રકાશક : ગુજરાત સાહિત્ય અકાદમી
- વર્ષ : 1999