નથી બાંધી શકાતો એટલે રચના વગરનો છું!

નથી બાંધી શકાતો એટલે રચના વગરનો છું!

પ્રવાહી ભાવ છું, હું તાણ છું, રસના વગરનો છું!

બધા સંદર્ભથી અળગાં થયાનો અર્થ છે આ તો,

અમસ્તો છું અહીં ઊભો અને ઘટના વગરનો છું!

તમારાં વ્યાકરણમાં કોઈ એવો તર્ક પણ ક્યાં છે,

તમે સ્થાપી શકો એ માપની ગણના વગરનો છું!

બરફની જેમ થીજી પાંપણો, પાષાણવત્ ખુલ્લી;

અરે! બસ ત્યારથી હું એકપણ સપના વગરનો છું!

બધાં પૂલો અને આ સૂર્ય-તારક-ચંદ્ર માને છે,

સકલ બ્રહ્માંડમાં હું એકલો છલના વગરનો છું!

nathi bandhi shakato etle rachna wagarno chhun!