આજની હાલત! અને આવી અરે

આજની હાલત! અને આવી અરે?

ભાગ્યરેખા શું દશા લાવી અરે!

કાલ જે મુજ આશરે પળતા હતા,

જાય છે એ આજ છણકાવી અરે!

આવ મસ્તી આવ પાછી આવ તું;

જાય છે ક્યાં મુજને તરસાવી અરે!

બાંય મારી બેલિડા તુ છોડમાં;

રાનમાં ક્યાં જાય રખડાવી અરે?

ભાગ્યના જોનારે કંપીને કહ્યું;

હાથમાં રેખા અને આવી અરે?

એ સમે અંધાર અવનીમાં થયો;

જ્યોત કાં મુજ આંખમાં આવી અરે!

ફાયદો એનાથી ‘શયદા' કંઈ નથી;

શું કરું હું દિલને સમજાવી અરે?

aajnii haalat! ane aavii are