રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

મહેર મારી ઉપર કરે ન કરે

હેમંત પુણેકર

મહેર મારી ઉપર કરે ન કરે

હેમંત પુણેકર

Roman

મહેર મારી ઉપર કરે ન કરે

એની મરજી, નજર કરે ન કરે

આંખો બોલી ગઈ છે દિલની વાત

ભૂલ એવી અધર કરે ન કરે

એને ચિંતા સતત, શું કહેશે લોક?

મારા મનની ફિકર કરે ન કરે

એ જ અવઢવમાં ચૂપ રહી જઉં છું

શબ્દ ધારી અસર કરે ન કરે

એને મહેલોની ટેવ છે ‘હેમંત’

તારા દિલમાં એ ઘર કરે ન કરે

સ્રોત

પુસ્તક : કાગળની નાવ (પૃષ્ઠ ક્રમાંક 4)
સર્જક : હેમંત પુણેકર
પ્રકાશક : Zen Opus
વર્ષ : 2022