રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
બીજી ત્રીજી નહિ બસ આ જ, આ જ, આ જ નજર
biji triji nahi bas aa ja, aa ja, aa ja najar
હેમંત પુણેકર
હેમંત પુણેકર
બીજી ત્રીજી નહિ બસ આ જ, આ જ, આ જ નજર
મળી છે જ્યારથી, દિલ પર કરે છે રાજ નજર
બસ એક વાર મળે તોય વીંધી નાખે દિલ
તમારી પાસે છે કેવી નિશાનેબાજ નજર!
શું દાવપેચ અને હોય છે શું શેહ ને માત?
ખબર પડે જો મિલાવે એ ચાલબાજ નજર
તું ચાર માણસો વચ્ચે ન ઘૂર એને આમ
કહ્યું મેં જાતને, તોપણ ન આવી વાજ નજર
નજીક આવે નહીં તોય જાણે દિલનો હાલ
કે ચહેરો દૂરથી વાંચે છે એની બાજનજર
ક્ષણાર્ધમાં થતું નજરાનજરનું દર્દ છે આ
મિલાવી રાખ કે જેથી બને ઈલાજ નજર
છે મારી પાસે ફક્ત દિલ જે તમને સોંપું છું
જો હોત તો હું કરી દેત તખ્તોતાજ નજર!
સ્રોત
- પુસ્તક : કાગળની નાવ (પૃષ્ઠ ક્રમાંક 16)
- સર્જક : હેમંત પુણેકર
- પ્રકાશક : Zen Opus
- વર્ષ : 2022