રેખ્તા ગુજરાતી ઉત્સવ - 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
નફાને ખોટનો ખયાલ ન કર
naphane khotno khayal na kar
અદમ ટંકારવી
અદમ ટંકારવી
નફાને ખોટનો ખયાલ ન કર
ફકીર સાથે ભાવતાલ ન કર
કોક બીજું ય વસે છે અહીંયાં
અહીંયાં તું આટલી ધમાલ ન કર
કેમ કે તું નથી તારી મિલકત
દોસ્ત તારામાં ગોલમાલ ન કર
તું નથી જાણતો ક્યાં જાય છે તું
આટલી તેજ તારી ચાલ ન કર
લોક માલિકને ભૂલી બેસે
સંત તું એટલી કમાલ ન કર
સ્રોત
- પુસ્તક : અદમ ટંકારવીની ગઝલોની ચોપડી (પૃષ્ઠ ક્રમાંક 87)
- સર્જક : અદમ ટંકારવી
- પ્રકાશક : રન્નાદે પ્રકાશન
- વર્ષ : 1997