રેખ્તા
હિન્દવી
સૂફીનામા
રાજસ્થાની
ન મળવું ઘોર સજા છે, છતાં નથી મળવું
na malvun ghor sajaa chhe, chhattan nathii malvun
હરીન્દ્ર દવે
હરીન્દ્ર દવે
ન મળવું ઘોર સજા છે, છતાં નથી મળવું
ઘણીયે શેષ કથા છે, છતાં નથી મળવું.
હવામાં તારી હવા છે છતાં નથી મળવું
દરદની તું જ દવા છે છતાં નથી મળવું.
મને આ આગમાં જલવા દે, જોઈ લેવા દે,
મિલનની આશ જવાં છે, છતાં નથી મળવું.
છે નવ દિશાઓ હજી, ક્યાંય પણ વળી જઈશું
નજરની સામે ખુદા છે, છતાં નથી મળવું.
સ્રોત
- પુસ્તક : હયાતી (પૃષ્ઠ ક્રમાંક 136)
- સંપાદક : સુરેશ દલાલ
- પ્રકાશક : ચીમનલાલ લિટરરી ટ્રસ્ટ
- વર્ષ : 1984
- આવૃત્તિ : બીજી આવૃત્તિ