રેખ્તા
હિન્દવી
સૂફીનામા
રાજસ્થાની
અંજુમનમાં
anjumanman
નુરૂદ્દીન 'લુત્ફ'
નુરૂદ્દીન 'લુત્ફ'
એવી કો' તેજરેખા દોરાઈ તુજ નયનમાં,
ઝબકી રહી હો જાણે વીજળી કોઈ ગગનમાં.
એક પળ મીંચાઈ મારી આ દર્શનાતુર આંખો,
એક પળ, કહે છે, પડદો ઊપડ્યો'તો અંજુમનમાં.
મંજિલની શોધમાં હું રણ માંહે આથડું છું,
રહેબર તો, સાંભળ્યું છે, થાળે પડ્યા ચમનમાં.
એ કલ્પનાનાં ઝાકળ, આદર્શનાં એ મૃગજળ,
ચમકે છે કાવ્યમાં પણ ટકતાં નથી જીવનમાં.
હસતા આ 'લુત્ફ'ની તું અંતર-વ્યથા શું જાણે?
તુજને ખબર શું, સહચર! છે કેવી આગ મનમાં?
સ્રોત
- પુસ્તક : મધુવન (પૃષ્ઠ ક્રમાંક 143)
- સંપાદક : હરીન્દ્ર દવે
- પ્રકાશક : પ્રવીણ પુસ્તક ભંડાર
- વર્ષ : 2002
- આવૃત્તિ : ચોથી આવૃત્તિ