રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

મોરને છોડી ટહુકા ક્યાં જશે?

દિલીપ મોદી

મોરને છોડી ટહુકા ક્યાં જશે?

દિલીપ મોદી

મોરને છોડી ટહુકા ક્યાં જશે?

આ ધરાથી દૂર દરિયા ક્યાં જશે?

શ્વાસના સામિપ્યમાં તો કૈંક છે,

શબ્દથી અકબંધ રેખા ક્યાં જશે?

ક્ષુબ્ધ ઘટના ચોતરફથી ઘૂઘવે,

હાથથી મેંદીની છાયા ક્યાં જશે?

હું પરિચિત ભીંતમાં ડૂબી શકું,

ભાગ્યના ખંડેર પડઘા ક્યાં જશે?

લ્યો, હકીકત ધૂળમાં છુપાઈ ગઈ,

પારદર્શક શ્વેત પગલાં ક્યાં જશે?

સ્રોત

પુસ્તક : ગુજરાતી પ્રતિનિધિ ગઝલો (પૃષ્ઠ ક્રમાંક 49)
સંપાદક : ચિનુ મોદી
પ્રકાશક : સાહિત્ય અકાદેમી દિલ્હી
વર્ષ : 2008
આવૃત્તિ : 3