રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

આ મારું મન રડ્યું તો છે — પરંતુ ઓછું બહુ ઓછું

સૈફ પાલનપુરી

આ મારું મન રડ્યું તો છે — પરંતુ ઓછું બહુ ઓછું

સૈફ પાલનપુરી

Roman

આ મારું મન રડ્યું તો છે — પરંતુ ઓછું બહુ ઓછું

મને આ સુખ મળ્યું તો છે — પરંતુ ઓછું બહુ ઓછું

કોઈ હૈયામાં હમદર્દી રૂપે પણ સ્થાન પામ્યો છું

મને એ ઘર ગમ્યું તો છે — પરંતુ ઓછું બહુ ઓછું

તમે મળતે તો શું થાતે, મળ્યાં ના તો થયું શું શું?

એ સરવૈયું કર્યું તો છે — પરંતુ ઓછું બહુ ઓછું

ગણતરીના પ્રસંગોમાં જ લાગ્યું છે ખુદા જેવું

આ મસ્તક પણ નમ્યું તો છે — પરંતુ ઓછું બહુ ઓછું

તમે મનગમતો ચેહરો યાદ કરશો તો સમજ પડશે

ગઝલમાં મેં કહ્યું તો છે — પરંતુ ઓછું બહુ ઓછું

સ્રોત

પુસ્તક : હીંચકો (પૃષ્ઠ ક્રમાંક 28)
સર્જક : સૈફ પાલનપુરી
પ્રકાશક : સુમન પ્રકાશન
વર્ષ : 1986
આવૃત્તિ : 2