રેખ્તા
હિન્દવી
સૂફીનામા
રાજસ્થાની
મહેર મારી ઉપર કરે ન કરે
maher mari upar kare na kare
હેમંત પુણેકર
હેમંત પુણેકર
મહેર મારી ઉપર કરે ન કરે
એની મરજી, નજર કરે ન કરે
આંખો બોલી ગઈ છે દિલની વાત
ભૂલ એવી અધર કરે ન કરે
એને ચિંતા સતત, શું કહેશે લોક?
મારા મનની ફિકર કરે ન કરે
એ જ અવઢવમાં ચૂપ રહી જઉં છું
શબ્દ ધારી અસર કરે ન કરે
એને મહેલોની ટેવ છે ‘હેમંત’
તારા દિલમાં એ ઘર કરે ન કરે
સ્રોત
- પુસ્તક : કાગળની નાવ (પૃષ્ઠ ક્રમાંક 4)
- સર્જક : હેમંત પુણેકર
- પ્રકાશક : Zen Opus
- વર્ષ : 2022