ક્યાંક ઝરણાની

ક્યાંક ઝરણાની

ક્યાંક ઝરણાની ઉદાસી પથ્થરો વચ્ચે પડી છે,

ક્યાંક તારી યાદની મોસમ રડી છે!

દોસ્ત, મૃગજળની કથા વચ્ચે તમે છો,

આ જુઓ અહિંયાં તરસ, ત્યાં વાદળી ઊંચે ચડી છે.

પંખીઓના ગીત જેવી એક ઇચ્છા ટળવળે છે,

ઓ હૃદય! બોલો કે આ કેવી ઘડી છે.

આવ મારા રેશમી દિવસોના કારણ,

જિંદગી જેને કહે છે એ અહીં ઠેબે ચડી છે.

ઓ નગરજન! હું અજાણ્યા દેશનો થાક્યો પ્રવાસી,

લાગણી નામે હવેલી ક્યાં ખડી છે?

kyank jharnani