રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સજનવા! (મીરાંબાઈની ઉક્તિ)
Sajanva! (Mirabai ni Ukti)
દાન વાઘેલા
દાન વાઘેલા
અહીં શણગાર મૂક્યો છે, અહીં એકતાર મૂક્યો છે;
સજનવા! સૂર સાથે જોખમી વ્યવહાર મૂક્યો છે!
કહો વંટોળને કે હોય તે ડમરીઓ લઈ આવે;
સજનવા! પ્રીતનો આ દીપ તારે દ્વાર મૂક્યો છે!
દિશા ધ્રુજે, ગગન વિહ્વળ બને તોયે જશું આગળ;
સજનવા! સાદ તારો સાંભળી સંસાર મૂક્યો છે!
જીવન કંગાળ છે પણ શબ્દનો વૈભવ અનોખો ‘દાન’;
સજનવા! દબદબાભર યાદનો દરબાર મૂક્યો છે!
સ્રોત
- પુસ્તક : સ્વયંભૂ (પૃષ્ઠ ક્રમાંક 6)
- સર્જક : દાન વાઘેલા
- પ્રકાશક : રન્નાદે પ્રકાશન
- વર્ષ : 2012
- આવૃત્તિ : 2