કોણે કોનું ભાન ગુમાવ્યું હું શું જાણું તું શું જાણે!

કોણે કોનું ભાન ગુમાવ્યું હું શું જાણું તું શું જાણે!

આમ જ સઘળું કેમ લુટાવ્યું હું શું જાણું તું શું જાણે!

રોજ અમસ્તી આંખો નહિતર દરિયો દરિયો રમવાં લાગે!

યાદ હશે શું એવું આવ્યું હું શું જાણું તું શું જાણે!

રોજ વસંતી શમણાંઓનો હઠડેઠઠ દરબાર ભરાતો,

પતઝડને કોણ દોરી લાવ્યું હું શું જાણું તું શું જાણે!

ઢળતી સાંજે ઘરમાં આવી રોજ કબૂતર ઘૂઘવ્યા કરતું,

કેમ અચાનક ઘર બદલાવ્યું હું શું જાણું તું શું જાણે!

આંગળીઓના વેઢાપરથી દિવસો થઇને પંખી ઊડ્યાં,

ટેરવે કયારે આભ વસાવ્યું હું શું જાણું તું શું જાણે!

kone konun bhan gumawyun hun shun janun tun shun jane!