koii ajaanii safarne khedvaanii chhe have - Ghazals | RekhtaGujarati

કોઈ અણજાણી સફરને ખેડવાની છે હવે

koii ajaanii safarne khedvaanii chhe have

ગિરીશ રઢુકિયા ગિરીશ રઢુકિયા
કોઈ અણજાણી સફરને ખેડવાની છે હવે
ગિરીશ રઢુકિયા

કોઈ અણજાણી સફરને ખેડવાની છે હવે.

જીંદગાનીને ખભા પર તેડવાની છે હવે.

ભીતરે જે સંઘરેલી છે હઠીલી વેદના,

ભરબજારે આજ તેને છેડવાની છે હવે.

જામ પણ આવે નહિ કોઈ રીતે કામમાં,

ક્ષણો તો આંસુઓને રેડવાની છે હવે.

ખૂબ પાકીપચ થઈ છે પીડાની કેરીઓ,

એમ લાગે છે મને કે વેડવાની છે હવે.

રામ જેવા થૈ અને આવો પધારો આંગણે,

સ્નેહરૂપી બોરડી ઝંઝેડવાની છે હવે.

સ્રોત

  • પુસ્તક : કવિ તરફથી મળેલી કૃતિ