રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મારી સાથે આ નગર આખું પડ્યું’તું આગમાં
mari sathe aa nagar akhun paDyun’tun agman
ખલીલ ધનતેજવી
ખલીલ ધનતેજવી
મારી સાથે આ નગર આખું પડ્યું’તું આગમાં,
કોણ જાણે હું જ ક્યાં પથરાયો પોણા ભાગમાં.
તું વસંતતિલકા કે મંદાક્રાંતા જે હોય તે,
મેં તને મરજી મુજબ છેડી ગઝલના રાગમાં.
કોઈ તો મનગમતો સાથીદાર હોવો જોઈએ,
એ પછી, ઘરમાં કે જંગલમાં રહો કે બાગમાં.
ઉંબરે દીવો સળગતો મૂકવાનો છે સમય,
ટોડલે ટાંપીને બેઠી છે હવા પણ લાગમાં.
હું ખલીલ, આ મોહમાયા છોડી દઉં પણ પછી,
સાવ નિર્ધન થઈ જશે મારી ગઝલ વૈરાગમાં.
સ્રોત
- પુસ્તક : સારાંશ (પૃષ્ઠ ક્રમાંક 89)
- સર્જક : ખલીલ ધનતેજવી
- પ્રકાશક : ઈમેજ પબ્લિકેશન્સ પ્રા. લિ.
- વર્ષ : 2008