રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
જૂના શહેરની મુલાકાતે
juna shaherni mulakate
રાધિકા પટેલ
રાધિકા પટેલ
આ શહેર મારું હવે મારું રહ્યું ના.
એક તોરણ ત્યાં મને લીલું મળ્યું ના.
સહુ મળ્યાં જૂના મને ચહેરા નવા લઈ;
આ કલેવર એ જ જૂનું ઉતર્યું ના.
હું સ્મરણની પોટલી લઇને ગયેલી;
ગાંઠ ખોલી તો કશું પણ નીકળ્યું ના.
આમ થાશે, એમ થાશે, કે પછી એમ...?
ના થયું, કંઈ ના થયું, કંઈ પણ થયું ના.
ઝાડ જેવું ઝાડ સંકોરાઈ ગયું.
બાઅદબ ઉભું રહ્યું, ભેટી પડ્યું ના.
ધ્રુવનો તારો હવે મારું શહેર છે;
એ શહેર- મારું હતું, મારું રહ્યું ના.
સ્રોત
- પુસ્તક : કવિ તરફથી મળેલી કૃતિ