સતત એક પળ વિસ્તરે છે, (પરંતુ,)

સતત એક પળ વિસ્તરે છે, (પરંતુ,)

સમય-રિક્તતાને ભરે છે, (પરંતુ.)

કોઈ એક છાયા, કોઈ એક છાયા,

દીવાલોને તોડી સરે છે, (પરંતુ.)

આ ઊંડાણ તારું, સમંદરનું મારું,

સપાટી થઈને તરે છે, (પરંતુ.)

તિમિર પ્યાલીઓમાં ઠરે રાત ઢળતાં,

કોઈ રોજ સૂરજ ધરે છે, (પરંતુ.)

નહીંતર કશો ભય નથી જીવવામાં,

કશુંક છે કે લોકો ડરે રે, (પરંતુ.)

બધી સરહદો ઓગળી જાય આખર,

ક્ષિતિજ માથું ઊંચું કરે છે, (પરંતુ.)

કશુંક શબ્દ ને અર્થની વચ્ચે હરપળ,

નથી જન્મતું ને મરે છે, (પરંતુ.)

satat ek pal wistre chhe, (parantu,)