રેખ્તા
હિન્દવી
સૂફીનામા
રાજસ્થાની
કોઈ ઇચ્છાનું મને વળગણ ન હો
એય ઇચ્છા છે, હવે એ પણ ન હો.
કોઈનામાં પણ મને શ્રદ્ધા નથી
કોઈની શ્રદ્ધાનું હું કારણ ન હો.
છાકટો થઈ બાગમાં ફરશે પવન
પુષ્પને જો એની અકળામણ ન હો.
ઝાંઝવાં થૈને હરણ દોડી ગયાં
ને હરણને દોડવાને રણ ન હો.
આપમેળે બંધ દરવાજો થતાં
કોઈ પણ ચકચાર કે ચણભણ ન હો.
સ્રોત
- પુસ્તક : ઇર્શાદ (પૃષ્ઠ ક્રમાંક 224)
- સર્જક : ચિનુ મોદી
- પ્રકાશક : રન્નાદે પ્રકાશન
- વર્ષ : 2012