રેખ્તા
હિન્દવી
સૂફીનામા
રાજસ્થાની
છેવટે જાતે જ ઝળહળવું પડ્યું
chhewte jate ja jhalahalawun paDyun
રાજેશ વ્યાસ 'મિસ્કીન'
રાજેશ વ્યાસ 'મિસ્કીન'
છેવટે જાતે જ ઝળહળવું પડ્યું.
કોચલું તોડીને નીકળવું પડ્યું.
કૂલડી ખાતર સતત દળવું પડ્યું,
લાગણીને આમ નિષ્ફળવું પડ્યું.
એક બસ ઇચ્છા હતી મળવું તને,
હર પળે હરએકને મળવું પડ્યું.
એ જ દરવખતે થયું દુઃખ આશને,
દરવખત મેરુ બની ચળવું પડ્યું.
દોસ્ત કલ્પી જો આ લાચારી વિશે,
એક ગમતા નામને ગળવું પડ્યું.
સ્રોત
- પુસ્તક : બેસ્ટ ઑફ મિસ્કીન (પૃષ્ઠ ક્રમાંક 21)
- સંપાદક : હર્ષ બ્રહ્મભટ્ટ
- પ્રકાશક : નવભારત સાહિત્ય મંદિર
- વર્ષ : 2013