હવે થોડો સમજણો થૈ ગયો છું

હવે થોડો સમજણો થૈ ગયો છું

હવે તારાથી ડરતો થૈ ગયો છું

હવે ક્યાં છે કશું ઝઘડાનું કારણ

હવે તારા જ જેવો થૈ ગયો છું

આ દુનિયા બેવડી ને તેવડી થઈ

અને હું અરધોપરધો થૈ ગયો છું

એ મુજ પર એ રીતે વરસી પડી કે,

હું આખેઆખો ભીનો થૈ ગયો છું

વચન આપી અને તું તો ભૂલી ગઈ

અહીં હું ઘડીઓ ગણતો થૈ ગયો છું

સ્વયં તું થૈ ગઈ છે બન્ધ બારી

સ્વયં હું પણ અડિંગો થૈ ગયો છું

ફરી દુનિયા મને રંગી ગઈ છે

ફરી હું દાધારંગો થૈ ગયો છું

hwe thoDo samajno thai gayo chhun