રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હું રાજી રાજી થઈ ગયો છું જોઈ જોઈને
સપનાંઓ તારાં આવી ગયાં ન્હાઈ-ધોઈને.
એમ જ નથી આવ્યું આ ગગન મારા ભાગમાં
ખાલીપો હુંય પામ્યો છું મારાંઓ ખોઈને.
એવું તે કોણ છે નિકટ કે ક્રોધ હું કરું?
આંખોને લાલઘૂમ હું રાખું છું - રોઈને.
અમને જિવાડવા તો એ રાજી ને રેડ છે
(પણ) તારા વગર શું હોઈ શકું – હોઈ હોઈને?
‘ઇર્શાદ’ એવું કોઈ છે જેને તમે કહો
તમને મળ્યાં પછી ન મળાયું જ કોઈને.
સ્રોત
- પુસ્તક : ઇર્શાદ (પૃષ્ઠ ક્રમાંક 153)
- સર્જક : ચિનુ મોદી
- પ્રકાશક : રન્નાદે પ્રકાશન
- વર્ષ : 2012