રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

હોઈ શકવાને નામે સમ્ભવ છે

અદમ ટંકારવી

હોઈ શકવાને નામે સમ્ભવ છે

અદમ ટંકારવી

Roman

હોઈ શકવાને નામે સમ્ભવ છે

આમ હોવાપણું જ અવઢવ છે

ત હ્રસ્વ ઉ અને માથે મીંડું

મારી ભાષાનો એ જ વૈભવ છે

એને ઉલ્લેખવાની રીત હજાર

ક્યાંક છે બાંગ ક્યાંક કલરવ છે

મારો પ્રસ્તાર છે ભવભવ જેવો

એક ઈશારાનું તારું લાઘવ છે

આ ગલીમાં થઈ આગળ જઈએ

શેરીઓમાં તો ખૂબ કાદવ છે

આ ખુશી એમની દયા છે અદમ

એમની યાદનો આ ઉત્સવ છે

સ્રોત

પુસ્તક : ૭૮૬ ગઝલો (પૃષ્ઠ ક્રમાંક 42)
સર્જક : અદમ ટંકારવી
પ્રકાશક : લજ્જા પબ્લિકેશન્સ
વર્ષ : 2014