હવાથી વધારે વજનદાર છે

હવાથી વધારે વજનદાર છે

પૂછો નામ એનું તો અંધાર છે

મુસાફર થવાનું પ્રલોભન થશે,

આ રસ્તાઓ એવા ચમકદાર છે

મને નમ્ર ચહેરાઓ મળતા રહે છે

અને જાય કહીને : આ સંસાર છે

નિસાસાઓ રંગે છે નખ કોઈના,

બિચારા સદાના કરજદાર છે

દિવસનું તો એવું કે ઊજળો રહે,

હા, કાળી ક્ષણોનો ઘણો ભાર છે

હો ટૂકડો તો એની મજા માણીએ,

હા, આખો અનુભવ તો અંગાર છે

વિચારોમાં પેસીને નીકળી ગયા,

આ શબ્દો ય લુચ્ચાના સરદાર છે

hawathi vadhare vajandar chhe