રેખ્તા ગુજરાતી ઉત્સવ - 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

હતી નાંખી દીધા જેવી, મજાની એ મગર લાગી

હરીશ ઠક્કર

હતી નાંખી દીધા જેવી, મજાની એ મગર લાગી

હરીશ ઠક્કર

હતી નાંખી દીધા જેવી, મજાની એ મગર લાગી,

ગઝલમાં વાત મૂકી એટલે એ માતબર લાગી.

ઉંમર વિતાવવામાં ખાસ્સી એક આખી ઉંમર લાગી,

ઉંમરની એટલે ચહેરા ઉપર પૂરી અસર લાગી.

ચપોચપ બંધ બેસે પાઘડી કેવી પ્રતિષ્ઠાની,

બધાંએ માથે મૂકી તો બધાંને માપસર લાગી!

શિખરને સર કરી શકશો, શિખર પર જિંદગી ક્યાં છે?

તળેટી એ જ કારણથી શિખરથી ઉચ્ચતર લાગી.

સ્મરણ પીછો ન છોડે ને હું ભાગું જીવ પર આવી,

અમારે દોટ લાગી તે પછી તો રાતભર લાગી.

સ્રોત

પુસ્તક : અમથા અમે જરાક ઇશારે ચડી ગયા (પૃષ્ઠ ક્રમાંક 74)
સર્જક : હરીશ ઠક્કર
પ્રકાશક : પાર્શ્વ પબ્લિકેશન
વર્ષ : 2021