રેખ્તા
હિન્દવી
સૂફીનામા
રાજસ્થાની
ઘેરો થયો ગુલાલ
ghero thayo gulal
જવાહર બક્ષી
જવાહર બક્ષી
આંખોનો ભેદ આખરે ખુલ્લો થઈ ગયો
બોલ્યા વિના જ હું બધે પડઘો થઈ ગયો
આ એ જ અંધકાર છે કે જેનો ડર હતો!
આંખોને ખોલતાં જ એ તડકો થઈ ગયો
જળને તો માત્ર જાણ છે તૃપ્તિ થવા વિષે
મૃગજળને પૂછ, કેમ હું તરસ્યો થઈ ગયો
તારી કૃપાથી તો થયો કેવળ બરફનો પ્હાડ
મારી તરસના તાપથી દરિયો થઈ ગયો
મસ્તી વધી ગઈ તો વિરક્તિ થઈ ગઈ
ઘેરો થયો ગુલાલ તો ભગવો થઈ ગયો
સ્રોત
- પુસ્તક : તારાપણાના શહેરમાં (પૃષ્ઠ ક્રમાંક 15)
- સર્જક : જવાહર બક્ષી
- પ્રકાશક : વિશાલ પબ્લિકેશન
- વર્ષ : 1999