રેખ્તા
હિન્દવી
સૂફીનામા
રાજસ્થાની
ઘટ
ghat
શિલ્પીન થાનકી
શિલ્પીન થાનકી
પરાપૂર્વથી એક ઘેટું ઘટે છે,
ગણી જો, હજી એક ઘેટું ઘટે છે.
વિચારી-વિચારી થયા વૃદ્ધ લોકો,
વિચાર્યું કદી : એક ઘેટું ઘટે છે?
સદી-દર-સદી થાય સંખ્યા-ગણતરી,
સદી-દર-સદી એક ઘેટું ઘટે છે.
ઝળેળાટ સૂરજ, સુગંધી પવન છે,
વહે છે નદી, એક ઘેટું ઘટે છે.
ન વારણ-નિવારણ, ન કારણ-પ્રયોજન,
ખુલાસો નથી, એક ઘેટું ઘટે છે.
સ્રોત
- પુસ્તક : કવિ તરફથી મળેલી કૃતિ