રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પૂરો કરી પ્રવાસ અમે ઘર તરફ વળ્યાં,
છીપી છતાં ન પ્યાસ અમે ઘર તરફ વળ્યાં.
રસ્તા, બજાર, શેરીઓ કૈં કેટલું ફર્યાં,
છોડી વળાંક ખાસ અમે ઘર તરફ વળ્યાં.
આવી સ્થિતિની જાણ કરે કોઈ તો ગમે,
જોઈને આસપાસ અમે ઘર તરફ વળ્યાં.
વાવે કદાચ કોઈ તો ઊગે અહીં સ્મરણ,
પાડી દઈને ચાસ અમે ઘર તરફ વળ્યાં.
પાદરની રેત પર ઘૂંટીને ‘આવજો' લખ્યું,
જોશે નજર ઉદાસ અમે ઘર તરફ વળ્યાં.
સ્રોત
- પુસ્તક : ગઝલશતક (પૃષ્ઠ ક્રમાંક 23)
- સંપાદક : હર્ષદ ત્રિવેદી
- પ્રકાશક : ગુજરાત સાહિત્ય અકાદમી
- વર્ષ : 1999