રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ઘર
ghar
અશોક ચાવડા 'બેદિલ'
અશોક ચાવડા 'બેદિલ'
રોજ ઊંચી દીવાલ ચણતું ઘર;
ઘરની અંદર કદી ન મળતું ઘર.
કોઈ રઝળ્યા કરે છે ઘર માટે,
ક્યાંક જોવા મળે રઝળતું ઘર.
ખોદતા ખોદતા હવે થાક્યો,
ખૂબ ઊંડે સુધી નીકળતું ઘર.
છે સુગંધીસભર સુખડશય્યા,
આજ છેલ્લી વખત સળગતું ઘર.
ક્યાં જઉં કાટમાળ છોડીને?
બાથ ભીડી મને વળગતું ઘર.
(૩૦-૦૬-૨૦૦૮)
સ્રોત
- પુસ્તક : પગરવ તળાવમાં (પૃષ્ઠ ક્રમાંક 23)
- સર્જક : અશોક ચાવડા ‘બેદિલ’
- પ્રકાશક : રન્નાદે પ્રકાશન
- વર્ષ : 2014