રેખ્તા
હિન્દવી
સૂફીનામા
રાજસ્થાની
ગણી બતાવ
gani bataw
હરીશ્ચંદ્ર જોશી
હરીશ્ચંદ્ર જોશી
ગણવું જ કાંઈ હોય તો થડકા ગણી બતાવ,
તેં ફેરવેલ શ્વાસના મણકા ગણી બતાવ.
દુષ્કાળના માઠા વરસમાં આંગણે મૂકી,
ઊડી ગયેલ પંખીનાં પગલાં ગણી બતાવ.
વહેલી સવારે ખીણમાં ફેંકે અવાજ તું,
ને એ પછી તૂટી જતા પડઘા ગણી બતાવ.
તલવાર જેવો છે સમય, લાચાર તું, હવે?
ભાંગી પડેલ જીવના સણકા ગણી બતાવ.
એકાદ બે કે પાંચ-પચ્ચીસ કે વધુ હશે?
તારા વિષેની તું બધી અફવા ગણી બતાવ.
વાતો કરી છે જાત સાથે એમ તો હરીશ,
રાખ્યા છે કિંતુ કેટલા પડદા? ગણી બતાવ.
સ્રોત
- પુસ્તક : ભિન્ન ષડ્જ (પૃષ્ઠ ક્રમાંક 96)
- સર્જક : હરિશ્ચન્દ્ર જોશી
- પ્રકાશક : રંગદ્વાર પ્રકાશન
- વર્ષ : 2007