ન આવ્યું આંખમાં આંસુ, વ્ચથાએ લાજ રાખી છે

ન આવ્યું આંખમાં આંસુ, વ્યથાએ લાજ રાખી છે,

દવાની ગઈ અસર ત્યારે દુઆએ લાજ રાખી છે.

ગઈ ક્યાં ફૂલની ખુશબૂ કોઈ રસ્તાને જઈ પૂછો,

બિચારા કંટકે સહુની સદાએ લાજ રાખી છે.

તરસનું માન જળવાયુ ફક્ત તારા ભલા ખાતર,

સમયસર આભથી વિખરી ઘટાએ લાજ રાખી છે.

ઘણું સારું થયું આવ્યા નહીં મિત્રો મને મળવા,

અજાણે આમ હાલતની, ખુદાએ લાજ રાખી છે.

પડી ‘કૈલાસ’ના શબ પર ઊડીને ધૂળ ધરતીની.

કફન ઓઢાડીને મારી ખુદાએ લાજ રાખી છે.

na awyun ankhman aansu, wchthaye laj rakhi chhe