રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
એ વાત ખોટી છે
e wat khoti chhe
મનહરલાલ ચોક્સી
મનહરલાલ ચોક્સી
કવિઓએ કવિતામાં કહી એ વાત ખોટી છે,
મળે ગમમાં જ દિલને જિંદગી, એ વાત ખોટી છે.
પ્રચારક છે બધાયે સત્યનો વેપાર કરનારા,
તમે જે ભરસભામાં સાંભળી એ વાત ખોટી છે.
તમે આંસુ વહાવ્યાં એ તો આ વાતાવરણ કહે છે,
હવાના સૂર વાટે જે મળી એ વાત ખોટી છે?
હિમાલયની આ કન્યા કોઈના શિર પર રહે શાથી?
જટામાંથી જ આ ગંગા સરી એ વાત ખોટી છે.
જીવન અર્પણ કરી દીધું છે મેં તો મૂક વાતોમાં,
હૃદયની ભેટ મેં તમને ધરી એ વાત ખોટી છે.
ઘમંડે રૂપના તમને ભુલાવ્યા છે, હકીકત છે,
નજર મારી નથી કરગરી, એ વાત ખોટી છે.
તડપ છે, ગમ છે, દિલ છે, ઘા છે, ઘાના આપનારા છે,
છતાં સૂની કહો છો જિંદગી? એ વાત ખોટી છે.
વધુ શું બોલશે ‘મનહર! જીવનનું માપ નાનું છે,
તમે કીધું, ગઝલ તમને ગમી, એ વાત ખોટી છે.
સ્રોત
- પુસ્તક : મધુવન (પૃષ્ઠ ક્રમાંક 176)
- સંપાદક : હરીન્દ્ર દવે
- પ્રકાશક : પ્રવીણ પ્રકાશન, રાજકોટ
- વર્ષ : 2002
- આવૃત્તિ : 4