રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હવે થોડો સમજણો થૈ ગયો છું
hwe thoDo samajno thai gayo chhun
અદમ ટંકારવી
અદમ ટંકારવી
હવે થોડો સમજણો થૈ ગયો છું
હવે તારાથી ડરતો થૈ ગયો છું
હવે ક્યાં છે કશું ઝઘડાનું કારણ
હવે તારા જ જેવો થૈ ગયો છું
આ દુનિયા બેવડી ને તેવડી થઈ
અને હું અરધોપરધો થૈ ગયો છું
એ મુજ પર એ રીતે વરસી પડી કે,
હું આખેઆખો ભીનો થૈ ગયો છું
વચન આપી અને તું તો ભૂલી ગઈ
અહીં હું ઘડીઓ ગણતો થૈ ગયો છું
સ્વયં તું થૈ ગઈ છે બન્ધ બારી
સ્વયં હું પણ અડિંગો થૈ ગયો છું
ફરી દુનિયા મને રંગી ગઈ છે
ફરી હું દાધારંગો થૈ ગયો છું
સ્રોત
- પુસ્તક : ૭૮૬ ગઝલો (પૃષ્ઠ ક્રમાંક 217)
- સર્જક : અદમ ટંકારવી
- પ્રકાશક : લજ્જા પબ્લિકેશન્સ
- વર્ષ : 2014