એક રણમાંથી વહ્યાનું દુઃખ છે

એક રણમાંથી વહ્યાનું દુઃખ છે

લાગણી રઝળી પડ્યાનું દુઃખ છે

હાડ હેમાળે ગળ્યાનું દુઃખ નથી

પણ તમે ના પીગળ્યાનું દુઃખ છે

વલ્કલે ઢાંકી સતીની આબરૂ

સભ્યતા રઝળી પડ્યાનું દુઃખ છે

હાથ ફેલાવી લીધાં ઓવારણાં

ટાચકાને ના ફૂટ્યાનું દુઃખ છે

બારણાએ વાત આખી સાંભળી

ટોડલા ફાટી પડ્યાનું દુઃખ છે.

રંક આશાઓ અવસ્થા વાંઝણી

બેઉને ભેગા મળ્યાનું દુઃખ છે.

ek ranmanthi wahyanun dukha chhe