રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

એક રણમાંથી વહ્યાનું દુઃખ છે

સુરેન ઠાકર 'મેહુલ'

સુરેન ઠાકર 'મેહુલ'

એક રણમાંથી વહ્યાનું દુઃખ છે

સુરેન ઠાકર 'મેહુલ'

Roman

એક રણમાંથી વહ્યાનું દુઃખ છે

લાગણી રઝળી પડ્યાનું દુઃખ છે

હાડ હેમાળે ગળ્યાનું દુઃખ નથી

પણ તમે ના પીગળ્યાનું દુઃખ છે

વલ્કલે ઢાંકી સતીની આબરૂ

સભ્યતા રઝળી પડ્યાનું દુઃખ છે

હાથ ફેલાવી લીધાં ઓવારણાં

ટાચકાને ના ફૂટ્યાનું દુઃખ છે

બારણાએ વાત આખી સાંભળી

ટોડલા ફાટી પડ્યાનું દુઃખ છે.

રંક આશાઓ અવસ્થા વાંઝણી

બેઉને ભેગા મળ્યાનું દુઃખ છે.

સ્રોત

પુસ્તક : સુરેન ઠાકર ‘મહુલ’ ('સુખનવર' શ્રેણી) (પૃષ્ઠ ક્રમાંક 21)
સંપાદક : ચિનુ મોદી, કૈલાસ પંડિત
પ્રકાશક : આર. આર. શેઠની કંપની
વર્ષ : 1991