આંસુઓનો ભાર લાગ્યો એટલે લખતો રહું છું

આંસુઓનો ભાર લાગ્યો એટલે લખતો રહું છું,

શબ્દ તારણહાર લાગ્યો એટલે લખતો રહું છું.

બેવફાઈ, દર્દ, ખાલીપો છતાં પણ લાગણીને,

પ્રેમ મુશળધાર લાગ્યો એટલે લખતો રહું છું.

આમ મારી જિંદગી હાંફી રહી છે ફેફસાંમાં-

શ્વાસને પડકાર લાગ્યો એટલે લખતો રહું છું.

ના મળ્યો કોઈ પુરાવો મંદિરો કે મસ્જિદોમાં,

જીવ એકાકાર લાગ્યો એટલે લખતો રહું છું.

થઈ ગયો છું આ ક્ષણોની ભીડમાં હું કેદ જ્યારે,

ભીતરે વિસ્તાર લાગ્યો એટલે લખતો રહું છું.

aansuono bhaar laagyo aetle lakhto rahun chhun