ડર ન 'હેમંત' રીત બદલવામાં
dar na 'hemant' riit badalvaamaan
હેમંત પુણેકર
Hemant Punekar

ડર ન 'હેમંત' રીત બદલવામાં
બેધડક નામ લઈ લે મત્લામાં
મંઝિલો જાય છો ને ચૂલામાં
અમને ગોઠી ગયું છે રસ્તામાં
એને ભીંજાતી જોયા કરવાની
પાણી-પાણી થવાનું વર્ષામાં
કંઈક કાંટાળી યાદો ભોંકાઈ
ફૂલ-શો એક ચહેરો સ્મરવામાં
એ હકીકત હશે કે બીજુ કંઈ
સપનું આવે કદી જો સપનામાં!



સ્રોત
- પુસ્તક : કાગળની નાવ (પૃષ્ઠ ક્રમાંક 34)
- સર્જક : હેમંત પુણેકર
- પ્રકાશક : ઝેન ઓપસ
- વર્ષ : 2022