રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
દગો દેશે
dago deshe
નાઝિર દેખૈયા
નાઝિર દેખૈયા
પથિક! તું ચેતજે પથના સહારા પણ દગો દેશે;
ધરીને રૂપ મંઝિલનું ઉતારા પણ દગો દેશે.
મને મજબૂર ના કરશો, નહીં વિશ્વાસ હું લાવું;
અમારાના અનુભવ છે, તમારા પણ દગો દેશે.
હું મારે હાથથી નૌકા ડુબાડી દેત મઝધારે;
ખબર જો હોત મુજને કે કિનારા પણ દગો દેશે.
મને તો એમ કે હમણાં ઠરી જાશે, ન ઠાર્યા મેં;
ખબર નો'તી નજીવા આ તિખારા પણ દગો દેશે.
હું જાણું છું છતાં નિશદિન લૂંટાવા જાઉં છું ‘નાઝિર';
શિકાયત ક્યાં રહી કે આ લૂંટારા પણ દગો દેશે!
સ્રોત
- પુસ્તક : એ વાત મને મંજૂર નથી (પૃષ્ઠ ક્રમાંક 23)
- સર્જક : નાઝિર દેખૈયા
- સંપાદક : ફિરદૌસ દેખૈયા
- પ્રકાશક : ઝેન ઓપસ
- વર્ષ : 2022