
સાવ નક્કામી નથી, સારીય છે.
એક રેખા હાથમાં તારીય છે.
જેટલી ભૂલ્યા કરી છે મેં તને,
એટલી ક્યારેક સંભારીય છે.
મેં મને મારા મહીં રહેવા દીધો,
ભૂલ એમાં કંઈક તો મારીય છે.
ડામ ઊપર ડામ જ્યાં દીધા હતા
એ સમયની પીઠ પસવારીય છે.
મેં જ વિસ્તરતી મૂકેલી તે છતાં
વેદનાને ક્યાંક તો વારીય છે.
એટલો હું કાંઈ પાવરધો નથી
જિંદગી સામે શરત હારીય છે.
ચાલ આ ચોપાટને સંકેલીએ
સોગઠામાં એક સોપારીય છે.
saw nakkami nathi, sariy chhe
ek rekha hathman tariy chhe
jetli bhulya kari chhe mein tane,
etli kyarek sambhariy chhe
mein mane mara mahin rahewa didho,
bhool eman kanik to mariy chhe
Dam upar Dam jyan didha hata
e samayni peeth paswariy chhe
mein ja wistarti mukeli te chhatan
wednane kyank to wariy chhe
etlo hun kani pawardho nathi
jindgi same sharat hariy chhe
chaal aa chopatne sankeliye
sogthaman ek sopariy chhe
saw nakkami nathi, sariy chhe
ek rekha hathman tariy chhe
jetli bhulya kari chhe mein tane,
etli kyarek sambhariy chhe
mein mane mara mahin rahewa didho,
bhool eman kanik to mariy chhe
Dam upar Dam jyan didha hata
e samayni peeth paswariy chhe
mein ja wistarti mukeli te chhatan
wednane kyank to wariy chhe
etlo hun kani pawardho nathi
jindgi same sharat hariy chhe
chaal aa chopatne sankeliye
sogthaman ek sopariy chhe



સ્રોત
- પુસ્તક : ગુજરાતી કવિતાચયન ૧૯૯૭ (પૃષ્ઠ ક્રમાંક 82)
- સંપાદક : હેમન્ત દેસાઈ
- પ્રકાશક : ગુજરાતી સાહિત્ય પરિષદ
- વર્ષ : 2000