રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
છોડીને
chhoDine
અશોક ચાવડા 'બેદિલ'
અશોક ચાવડા 'બેદિલ'
અવાય તો જ હવે આવ, સાવ છોડીને;
હું રાહ જોઉં છું તારો લગાવ છોડીને.
અનેક વાર તૂટ્યો એનું એક કારણ આ,
મળ્યો ન ક્યાંય અરીસો સ્વભાવ છોડીને.
નથી કશુંય નથી માત્ર ધૂળ-ઢેફાં છે,
જઈ શકાતું નથી પણ તળાવ છોડીને.
ફરી જનમવું જ પડશે એ વાત નક્કી છે,
કહ્યું તે અંત સમયમાં : ‘ન જાવ છોડીને.’
ઉદાસી, આંસુઓ, પીડા, સ્મરણ અલગ ક્યાં છે?
કુટુંબ એક છે ના જાય ઘાવ છોડીને.
સ્રોત
- પુસ્તક : નવનીત સમર્પણ - ઑક્ટોબર 2014 (પૃષ્ઠ ક્રમાંક 113)
- સંપાદક : દીપક દોશી
- પ્રકાશક : ભારતીય વિદ્યા ભવન