ચારે તરફ સુક્કાયેલા પર્ણોના ખડખડાટ

ચારે તરફ સુક્કાયેલા પર્ણોના ખડખડાટ

ધીમા પડી રહ્યા છે હવે સર્વ હણહણાટ

ચૂકી ગયા-ના અર્થમાં કૈં વર્ષથી ઊભો

ને ટ્રેઇન, હું ન હોઉં એમ, જાય સડસડાટ

એક્કેક ક્ષણ છે શિર ઉપર ખેંચાયેલી પણછ

એક્કેક ઇચ્છા લોહીઝાણ મૃગના તરફડાટ

મારા-તમારા મન વચે રઝળ્યા કરું સતત

તમને, કહો, સાંભળવા દીધા છે આ ખળભળાટ?

પાંપણમાં સૂર્ય લૈને રાત સૂર્યમાં ઢળે

ને આપ્તજન સૌ પાસમાં સૂતાં છે ઘસઘસાટ

Chare Taraf Sukkayela Parnona Khadkhadat