રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
આંખ સામે આલબમ જ્યાં જૂનું આવી જાય છે
aankh same albam jyan junun aawi jay chhe
અંકિત ત્રિવેદી
અંકિત ત્રિવેદી
આંખ સામે આલબમ જ્યાં જૂનું આવી જાય છે,
બ્લૅક ઍન્ડ વ્હાઈટ સમય પણ રંગભીનો થાય છે.
બાના બોખા સ્મિતવાળો ચહેરો જ્યારે જોઉં છું,
આજ પણ ફોટા મહીંથી વારતા સંભળાય છે.
જે દીવાલો પર કરેલા હોય લીટા આપણે,
એ જ દીવાલો ઉપર ફોટો કદીક ટીંગાય છે.
એક પણ ઍન્ગલથી એ મૉડેલ જેવાં છે નહીં,
લગ્ન કરતાં મમ્મીપપ્પા કેટલાં શરમાય છે!
એ નિખાલસતા, ઉમળકો, પ્રેમ ક્યાંથી લાવશું?
જૂના ફોટા પાડવા ક્યાં એટલા સ્હેલાય છે?
સ્રોત
- પુસ્તક : ગઝલપૂર્વક (પૃષ્ઠ ક્રમાંક 29)
- સર્જક : અંકિત ત્રિવેદી
- પ્રકાશક : ઈમેજ પબ્લિકેશન્સ પ્રા. લિ.
- વર્ષ : 2007