રેખ્તા
હિન્દવી
સૂફીનામા
રાજસ્થાની
બતાવ…!
bataw…!
જયશ્રી મરચન્ટ
જયશ્રી મરચન્ટ
કરી શકે તો છાતીફાટ પ્રેમ તું કરી બતાવ.
કશી શરત વિના જ પ્રેમપ્યાલીને ભરી બતાવ.
દુઃખો ભૂલી જવાની છે સલાહ ખૂબ સારી પણ,
બની શકે તો દર્દ દેનારાને વિસ્મરી બતાવ.
પતન બની શકે ભવ્ય, એ જાણવું જો હોય તો,
હે તારલા તું આભથી ધરા ઉપર ખરી બતાવ.
ઉદાસીના બધા જ રંગ સામટા ધરી ન દે,
ધીમે ધીમે ઉઘાડ સાંજ, ને જરી જરી બતાવ.
નદી સમી વહુ છું હું ને સ્થિર કાંઠા જેમ તું,
પડીને મારી ભીતરે ડૂબી જા, કે તરી બતાવ.
સ્રોત
- પુસ્તક : રેખ્તા ગુજરાતી માટે કવિએ પોતે પસંદ કરેલી કૃતિ.