બધી ઝંખના ક્યાંથી પૂરી કરી જઉં?

બધી ઝંખના ક્યાંથી પૂરી કરી જઉં?

સિતારો તો છું નહિ કે નભથી ખરી જઉં!

હવે મારી પાસે આ અંતિમ તક છે,

હવે હું મરણિયો ન થઉં તો મરી જઉં!

અનુભવ વિતેલા જીવનના છે એવા,

મળે કોઈ જો પ્રેમથી તો ડરી જઉં!

તમે ઢાંકણીના જે પાણીનું કહો છો,

હું એમાં જો ડૂબી શકું તો તરી જઉં!

ઘણાં વર્ષે એ ચ્હેરો જોવા મળ્યો છે,

ફરી જઉં હું એના તરફ કે ફરી જઉં?

badhii zankhanaa kyaathii purii kari jaun