બારણે ઊભા છીએ

બારણે ઊભા છીએ

ક્યાં કોઈને નોતરીને બારણે ઊભા છીએ

મનમાં એક અટકળ કરીને બારણે ઊભા છીએ

એક પળ, ઘરમાં પ્રતીક્ષા બેસવા દેતી નથી

આંગણે આંટા ફરીને બારણે ઊભા છીએ

પ્રેમરોગીને પથારીમાં ભલા આરામ ક્યાં

પથમાં દૃષ્ટિ પાથરીને બારણે ઊભા છીએ

ઉન્નતિ ઉન્માદની લાવી જુઓ કેવું પતન

મેડીએથી ઊતરીને બારણે ઊભા છીએ

'અશ્ક' મોડી રાતે આ હઠ છે પ્રતીક્ષક જીવની

આંગણે દીવો કરીને બારણે ઊભા છીએ

baarne uubhaa chhiye