રેખ્તા
હિન્દવી
સૂફીનામા
રાજસ્થાની
આવશે
awshe
બાલુભાઈ પટેલ
બાલુભાઈ પટેલ
એક રણકો ફોન ઉપર આવશે;
લૈને સંદેશો કબૂતર આવશે.
આ સડકને જ્યાં તમે આપ્યો વળાંક;
ત્યાં જ એક વિધવાનું ખેતર આવશે.
આંગણે આંબાને આવી કેરીઓ,
રોજના બેચાર પથ્થર આવશે.
જૂના પત્રો સાચવીને રાખજે,
એક દિ’ એનોય અવસર આવશે.
આજ હું ઊભો છું એવી સરહદે;
બંને બાજુએથી લશ્કર આવશે.
જો હશે શ્રદ્ધા તો ‘બાલુ’ આજ પણ;
ઝેર સૌ પીવાને શંકર આવશે
સ્રોત
- પુસ્તક : અર્વાચીન ગુજરાતી કાવ્યસંપદા
- સંપાદક : મધુસૂદન કાપડિયા
- પ્રકાશક : એકત્ર ફાઉન્ડેશન (ડિજિટલ પ્રકાશન)