આંગ્લકન્યા જોઈ વિલાઈ ગયું

આંગ્લકન્યા જોઈ વિલાઈ ગયું

ગુર્જરીનું રૂપ નજરાઈ ગયું

સોળ શણગારો સરર સરકી ગયા

સેંથીનું સિંદૂર ભૂંસાઈ ગયું

ના રહી બારાખડીની દામણી

ઝળહળીત એક ભાલ ઝંખાઈ ગયું

કર્યા લલાટે છે અનુસ્વાર ચાંદલો

તામ્ર તત્સમ તેજ અળપાઈ ગયું

દીર્ઘ ઈ ચોધાર આંસુએ રડી

આંખનું કાજળ આ રેલાઈ ગયું

વાળી વ્યુત્પત્તિની લ્યો ખોવાઈ ગૈ

નમણું નાજુક નાક અડવાઈ ગયું

ક ને અંબોડે હવે કેતક નથી

ફૂલ વેણીનુંય કરમાઈ ગયું

anglkanya joi wilai gayun